تسجيل
نسيت كلمة السرسجل اشتراك جديد
أذا كنت مشترك فى احدى المواقع الاتية يمكنك الدخول بنفس بيانات الاشتراك
يعتذر موقع FilGoal.com عن أي أعطال فنية أو بطء في التحميل ناتج عن إطلاق نسخته الجديدة ويعد زواره ومستخدميه بتحسين الخدمة في أقرب وقت. وإدارة الموقع ترحب بكافة أرائكم ومقترحاتكم لتعديل النسخة التجريبية الجديدة والتي يتم العمل حاليا على أن ترضي كافة الأعضاء والزوار.

جائزة احسن لاعب افريقى محمد ابوتريكة و عمرو زكى

تحميـــل: 8179

الفراعنة يبدأون الإعداد للجزائر بدون حسن والمحترفين

96 Bookmark and Share Share

خاض منتخب مصر أول تدريباته ظهر الثلاثاء استعدادا للقاء الجزائر في تصفيات كأس العالم، بعد ساعات من إعلان قائمة الفريق للمباراة.

وانطلق المران في الثالثة والنصف عصرا ولم يستمر سوى 30 دقيقة لعدم إرهاق اللاعبين الذين خاض معظمهم لقاءات في مسابقة الدوري يومي السبت والاثنين.

وغاب عن المران جميع المحترفين الذين لم يصلوا إلى القاهرة بعد إضافة إلى أحمد حسن لاعب وسط الأهلي وقائد المنتخب بعد الحصول على إذن من الجهاز الفني.

ولعب حسن شوطا في لقاء فريقه مع إنبي الذي انتهى بهدفين نظيفين، وقدم مستوى طيبا.

ويستمر الفريق في تدريباته في الموعد نفسه يومي الأربعاء والخميس قبل الانطلاق إلى أسوان يوم السبت المقبل لخوض معسكر إعداد يتخلله لقاء ودي مع تنزانيا.

ويقام لقاء الجزائر في استاد القاهرة الدولي في 14 من نوفمبر المقبل في ختام مباريات المجموعة الثالثة من تصفيات كأس العالم 2010.

وتحتاج مصر إلى الفوز بفارق ثلاثة أهداف كي تصل مباشرة إلى المونديال، أو الانتصار بفارق هدفين لخوض لقاء فاصل مع "الخضر" لتحديد هوية بطل المجموعة.

تعليقات فيلجولرز (96 تعليق)اضف تعليق

mi22do   الأربعاء ، 28 أكتوبر 2009 - 16:14

السن بالسن و البادي أظلم

96

يا جماعه في جروب علي فيس بوك اسمه " حمله لعدم نوم لاعبي الجزائر يوم المبارة " يا ريت تشتركوا فيه و نعمل زي ما عملوا معانا لما كنا هناك - ايامهم هتبقي هباب ان شاء الله
samr2010   الأربعاء ، 28 أكتوبر 2009 - 16:6

ما هو معني التهدئة

95

اريد ان اسال كل جزائري واعي و يعرف معني الرجولة هذه الاسئلة :-
1- اين كانت نبرات التهدئة المذعومة خلال تصفيات 2002 و تشجيع السنغال المستمر امام الفريق المصري بالجزائر
2- اين كانت العروبة و الفريق المصري لا يحتاج سوي الفوز فقط و ظل الجمهور الجزائري يشجع السنغاليين
3- على مر التاريخ الاسود الكروي بين المصريين و الجزائريين لم يصب احد بسوء من الجزائريين بمصر
4- دائما شماعتكم التحكيم و الخوف من الجمهور و الشكوي للاتحادات القارية و انتم اهل الغشس و الرشوة للحكام و المراقبين و خلافه
5- افيقوا من الان حتي لا يصطدم الجزائريون باستاد القاهرة من تواجد مليون و مائة الف متفرج و ليس ثمانين فقط كما تظنون لان هناك شاشات عملاقة سيتم تركيبها حول الاستاد لضمان تواجد ما يقارب الاثنان مليون للاحتفال بعد المبارة
6- اخبرا لاعبيكم المساكين بذلك حتي لا يفاجأوا بما لا تحمد عقباه
7_ اخبروا الخاسر حزنان مدربكم المسكين با يجهز تذكرة العودة من القاهرة الي باريس بدلا من الجزائر
MOUHAREB   الأربعاء ، 28 أكتوبر 2009 - 14:42

عجبني عنوان الفأل ......" بدون حسن "

94

" الفراعنة يبدأون الإعداد للجزائر بدون حسن "
يبقى الفأل عنوان النتيجة التي ننتظرها على أحر من الجمر
بدون حسن أو بدون " موش بطال " فالمهم تكون اعداد ضعيف ... جدا جدا

نقول الجزائر الى المونديال 2010 ممثلين العرب في كأس العالم
mee7a   الأربعاء ، 28 أكتوبر 2009 - 13:41

كفاية فتاوي الله يخليكم يامصريين

93

اكتر شئ بيشلني وانا بأقرأ التعليقات هو كتر الفتاوي اللي بتبقي موجوده..كل واحد فاكر نفسه خبير كروي كبير واراهن أن معظم الناس اللي بتكتب تعليقات عمرها مالمست كورة ولامارست اللعبه من اساسه...فيه ناس قاعدة تحط تشكيل وناس بتطالب بضم لعيبه معينه
وناس بتطالب باستبعاد لعيبة تانيه...وكل دول مش عارف مش فاهمين ولا فاهمين وبيهرجوا وخلاص..ياجدعان دي مباراه واحده يعني اي مدرب في الدنيا مش عايز غير 14 لعيب وبس
11 منهم في ارض الملعب و3 يكونوا جاهزين للتبديل اذا لزم الامر..بعد التأهل لكأس العالم
أكيد المجال حيكون مفتوح بصورة اكبر واوسع..لأن ماتنسوش ان احنا كمان عندنا كأس الامم في انجولا..يعني ممكن يكون عندنا فريقين قوميين مش واحد...فريق قوي يشارك في كأس الامم مطعم بعناصر من اللي حتشارك في كأس العالم وفريق تاني يكون بقي فيه خلاصة اللاعبين اللي حيثبتوا جدارة في الدوري وكأس الامم علاوة علي القوام الرئيسي للمنتخب...ارجوكم كفاية صداع وفتاوي وهجوم علي الجهاز الفني واحباط وتشاؤم وادعاء المعرفة والاتهامات بالمجاملة وزرع الحقد في نفوس اللي لم يتم اختيارهم...وخلي اهتمامكم الوحيد هو الدعاء ثم الدعاء ثم الدعاء.....لكي الله يامصــــــــــــــــــــــــر
برجاء النشر
mody506   الأربعاء ، 28 أكتوبر 2009 - 13:21

يا جدعان يا اهل مصر

92

احنا ما علينا سوى التشجيع بحرارة ليس اكثر مع احباط نفسية الأخوة الجزائريين على المنتديات والمواقع وفي الاستاد أما مسألة اختيار اللاعبين دي أتركوها للجهاز الفني فهو أكثر دراية بما يحتاجة من اللاعبين أكثر مننا وبعدين متعب زي ميدو زي ذكي زي وليد سليمان زي بركات زي مجدي زي السقا زي أبوتريكة .....الخ أي أحد عشر لاعب في الملعب سيؤدي بإخلاص ومش هايبخل على المنتخب بشئ لأن الصعود نقطة تحول في حياة أي لاعب سواء لعب المباراة أم لم يلعب ومش عايزيين التعصب يأخذنا لمرحلة احنا مش عاوزنها خلوا التعصب لمباريات الدوري أما في هذه المباراة فلا أهلي ولا زمالك ولا اسماعيلي ولا بتروجت ولا انبي ولاولاولا ( مصــــــر فــــــــوق الجميـــع )

مصراوي وأفتخر
لو سألتك انت مصري تقولي ايه مصري وابن مصري وابن مصر الله عليه
hamadafares   الأربعاء ، 28 أكتوبر 2009 - 12:45

ابو كريم

91

السلام عليكم اولا انا اهلاوى من اكثر من اربعين سنه واللى عايز اقوله بالنسبه لاختيارات ابو كريم ان لازم نكون عندنا ثقه فى هذا الرجل المحترم اللى جاب لنا بطولتين امم وان شاء الله حا يوصلنا جنوب افريقيا لاان البطولات والنتائج اللى حققها من قبل كانت بلاعبين من اختياره هو والجهاز المعاون المحترم فيا اخوانى موش عايزين كل شويه واحد يطلع لنا ينتقد التشكيل لان احنا عارفين ان عندنا 80 مليون مدرب فى مصر واللى بيحب ميدو عايزه ينضم واللى بيحب متعب عايزه ينضم ياجماعه شحاته موش حيجامل على حساب تاريخ عايز يعمله لبلده اولا ولنفسه وجهازه ثانيا انه يبقى اخد بطولتين امم ووصل كاس عالم يبقى المطلوب مننا جميعا ان نساند الرجل وجهازه ولاعبيه علشان ان شاء الله ربنا يكرمنا واللى عنده راى فى قائمه المنتخب وحياه والده يحتفظ بيه لنفسه او يقوله لاخواته فى البيت وارحمونا شويه خلى الراجل يركز شويه وربنا معاه وكل مصر وراك يا ابو كريم علشان تفرحنا ان شاء الله(فارس شيراتون المنتزه)
IiIFoxIiI   الأربعاء ، 28 أكتوبر 2009 - 12:38

هااااااااااااااااااااام ارجو القراءة

90

انا مع ضم متعب واستبعاد ميدو وضد ضم شوقي بس احنا كلنا لازم نفضل ورا المعلم حسن شحاتة افرح انت مصري متخلوش حد يشمت فينا كلنا وراك يا معلم يوم 14 باذن الله والرجاء من الفرافير يبعدوا عن الاستاد اليوم دة اخرجوا اعملوا شوبينج احسن او اعملوا تاتو سيبولنا احنا الاستاد اليوم دة ولو سمحتوا يا جماعة بالله عليكوا محدش يهاجم حسن شحاتة انا لست اهلاوي انا مصري الى يوم 14 نوفمبر..متخلوش حد يشمت فيييييييييييييييييييينا
haythamahmedabdelhmed   الأربعاء ، 28 أكتوبر 2009 - 12:27

الى كل المشككيين

89

انا عاوز اعرف حاجة واحدة ايه اللى مش عاجب الاهلوية والزملكوية فى اختيارات حسن شحاته اول حاجة بالنسبة للاهلوية مش معترضين زى زملكوية انا بقول ان هذا هو الاختيار الانسب بانسبة للدفاع احمد مجدى ممتاز بس معلش مش هينفع متش ده لانه ملعبش قبل كده مع المنتخب ومعندوش خبرات السقا اى نعم السقا كان خاربها 2006 بس بردو خبرته هتساعده فى المتش اذكرو نور الدين نايبت فى المغرب كان بيلعب بخبرته زى السقا واما ميدو فلسه شوية كمان واما وليد سليمان مش هينفع الراجل لاعب ممتاز لكن لو نزل ارض الملعب وشاف الجمهور وسمع صوت التشجيع ركبه هتخبط فى بعض فأنا شايف ان الاختيارات مناسبة جدا وخصوصا انه مش هيعتمد على كل الاعبين دول هو هيعتمد على 14 او 15 لاعب واعتقد هما عصام وهانى وسقا واوكاوعبد الفضيل وفتحى ومعوض وبركات وحسن وحسنى وشوقى وابو تريكة وزيدان وزكى ومتعب
EHAB97   الأربعاء ، 28 أكتوبر 2009 - 11:2

علي فكرة

88

التشكيل كان سيتم إعلانه الإثنين ولأجل عماد مساحات قال المعلم نأجل التشكيل يوم يمكن تحركات يعمل حاجة وألاقي حجة أضمه لكن تحركات كان مفسكعات خالص ويبدو أن مساحات كان سعيد وهو خارج لأنه يبدو أنه قد علمك بوجوده في قائمة المنتخب قبل المباراة ولما خذل شحاتة زي كل مرة شحاتة قال مجاملة مجاملة ماحدش له حاجة عندي اما أضمه في حضني قبل المنتخب كمان

روح ياعماد لبابا ياحبيبي
Mohamed797   الأربعاء ، 28 أكتوبر 2009 - 10:49

انشاء الله النصر قادم و قريب ,,,,,,,,,,,,,,,

87
ayman2008   الأربعاء ، 28 أكتوبر 2009 - 10:38

كفاية هجوم على المنتخب علشان منتطلعش احنا السبب ويشرب المعلم متعب وشوقى وبركات وزكى لوحدة

86

بصوا بقى يا رجالة احنا مش فى زمن المعجزات واللى عملوا حسن شحاتة فى نفسة بس للاسف مش فى نفسة بس دة فى كل مصر واللعيبة قد يكون درس للجميع ومن يتولى الاتحاد بعد سمير زاهر وحسن شحاتة والله انا قربت اتجنن من اللى حصل دةومش عارف اية اللى عملوا حسن شحاتة فينا كلنا ونفسى كريم ابنة يسال ادوية السكر والضغط والقلب معدلات البيع زادت باد اية من امبارح ويبلغ ابوة ان احنا هنموت من الغيظ ونفسنا يخرج حسن شحاتة عن صمتة عشر دقايق ويقولنا على اى اساس اختار متعب وبركات وشوقى ولية مجاش حسام عالى ووليد سليمان واحمد مجدى وانا مع عدم ضم ميدو مشاكل .
والله انا نفسى اسكت لغاية الماتش لكن والله عندى الضغط والسكر والقلب يعنى ميت ووالله ليا سوال شريف عبد الفضيل مدخلش المنتخب الا لما راح الاهلى يبقى يا وليد يا سليمان اعتزل لو مرحتش الاهلى علشان المعلم يقتنع بيك
لاصدقائى بالموقع كفاية هجوم علشان لا قدر الله لو وقع المنتخب 14/11 منتطلعش احنا السبب ولازم يشرب متعب وشوقى لوحدة
alghrib   الأربعاء ، 28 أكتوبر 2009 - 10:32

كيف

85

إنت شكلك مش مصري ميدو مين والناس نايمين
متعب ده عم ميدو على الأقل شارك في المنتخب وأدى بجدارة
لكن ميدو الله يرحم أمم 2006
mimos123   الأربعاء ، 28 أكتوبر 2009 - 10:22

The WIN we need!!!!1

84

It is good to read all of these comments and opinions especialy ALAHLAWYA about MIDO!!! I do not know why we have this habit that we put down any successful person!!!! MIDO is successful person and if he did some mistakes, who did not!!! I hoped SHIHATA can take 30 players and choose after that!!FADL, MIDO, WALEED, OSAMA, MAGDY, GHALI, EKRAMY at least we let them know they are in the right way and they have chance in the future!!!GOOD LUCK for EGYPT. mimos123 TORRANCE, CALIFORNIA, U S A!!!
elmagrapiii   الأربعاء ، 28 أكتوبر 2009 - 10:17

مصر

83

يااااااارب النصر لمصر
ان شاء الله هنكسب
وان شاء الله خمسه زى التصفيات اللى فاتت
التشكيل المتوقع
- الحضرى
- هانى سعيد - أوكا - عبدالظاهر السقا
- أحمد فتحى - حسنى عبد ربه - محمد شوقى ( أحمد حسن ) - سيد معوض
- تريكه - زيدان - ومتعب ( زكى )
وربنا يوفق ان شاء الله
sanophy   الأربعاء ، 28 أكتوبر 2009 - 10:12

مش وقته

82

السلام عليكم اولا
انا زمالكاوى جدا ولكن احب اقول لكل الزمالكاويه اللى شايفين ان مفيش عدل فى اختيار اللاعيبه دى مش وقته خالص الكلام ده لان اللى حصل حصل خلاص لازم نعمل حاجه واحده بس ان احنا ندى الثقه للكابتن حسن والاعيبه اللى معاه ونقولهم ان احنا معاكوا حتى لو ضميتوا لاعيبه من اى مكان احنا وراء منتخب مصر مش وراء لاعيبة اهلى ولا زمالك
وعشان اخواننا الجزائريين ميشمتوش فينا لما يقرؤوا التعليقات دوبعدين احنا عمرنا ما اتفقنا مع كابتن شحاته لا فى تشكيل ولا تكتيك
ولكن كل مره الراجل بيحقق المطلوب روبنا بيوفقه
ف بعد اذنكوا شجعوا الاعيبه دى وشجعوا منتخب مصر بس
انا من يوم ماتش زامبيا مبفكرش فى حاجه الا ماتش الجزائر ده بنام واصحى افكر فيه
يارب يا رب ينصرنا ونكون فى المونديال ان شاء الله
وشكرا
CiTyLiGhTsDoNtShInE   الأربعاء ، 28 أكتوبر 2009 - 10:3

الناس

81

فيه واقع اليم لازم تعرفوه وترضوا بيه
ميدو احتمال مايلعبش للمنتخب تاني طالما حسن شحاتة هو المدير الفني
وده بسبب مباراة السنغال 2006
ميدو وقتها كان في توتنهام وكان في فورمة عالية..وطبعا كان شايف انه اكبر من المدير الفني..
المشكلة ان حسن شحاتة مش ناسيله الموقف ده..حتي وان تظاهر بذلك
يعني بالعربي علم عليه و كرهه من زمان
وحسن شحاتة معروف عنه انه بيدخل العاطفة في شغله
بدليل ضمه للاعبين مستواهم متواضع او مش بيلعبوا خالص
وسايب لاعيبة ممكن يلعبوا في اي منتخب عربي او افريقي
ولو فهمتوا النقطة دي بالاضافة لظهور مهاجمين اثبتوا وجودهم
زي سيد حمدي و عبد الرؤوف والجباس
بالاضافة للقدامي عمرو و متعب و زيدان
حتعرفوا ان ميدو لا رايح كاس امم افريقية ولا رايح كاس عالم
ولا لاعب للمنتخب تاني تحت قيادة حسن شحاتة
افهموها بقي وبلاش تنبحوا في صوتكم عالفاضي

النصر لمصر باذن الله
ان شاء الله حانصعد

17:DAYS TO GO
17:MORE SLEEPS TO GO

GOD IS ON OUR SIDE
AND IN GOD WE TRUST

HANI MOHAMED
SYDNEY,AUSTRALIA
hos_joker   الأربعاء ، 28 أكتوبر 2009 - 9:28

ال كل زوار الموقع يا رب

80

ارجوا من الجميع وبكل الالوان علق كما تريد ولكن لنبدا بكلمة
** يا رب الفوز لمصر ** امين
uae_h   الأربعاء ، 28 أكتوبر 2009 - 8:41

3 - 5 - 2

79

ايهما افضل 3 - 5 -2 ولا 4 - 4 - 2 !!
السقا - اوكا - فتحى - المحمدى - معوض - حسنى - حسن - تريكة - زيدان - زكى
فتحى بدلا من عبدالفضيل لان فتحى بيزيدكويس سواء فى العمق او من اليمين والسقا كليبرو بدلا من هانى لانه اطول لمواجهة الكرات العرضية المتوقعة وهى سبب مشاكلنا الدفاعية والمتكررة دائما والله الموفق وبه نستعين
uae_h   الأربعاء ، 28 أكتوبر 2009 - 8:29

توضيح عن التشكيل المقترح

78

نسيت اقول ان من المهم اللعب ب 4 - 4 - 2 لاغلاق نصف الملعب وضغط الجزائر باستمرار كما ان المحمدى اختياره بدلا من فتحى كباك يمين بسبب ان نذير بلحاج اخطر لاعبيهم يمتاز بالسرعة الفائقة وفتحى اقل فى السرعات من المحمدى وايضا المحمدى جيد فى التقدم الهجومى وادق فى رفع العرضيات من فتحى السيىء جدا فيها وكثير الميس باس من عدة مبارايات من رواندا وزامبيا وحتى مع الاهلى
meto0122001   الأربعاء ، 28 أكتوبر 2009 - 8:11

حسبى الله نعم الوكيل

77

ميدو.... وليد سليمان... حسام غالى يا معلم ده الراجل قالك اروح المنتخب حتى لو الم كور حسبى الله ونعم الوكيل
السابق 1 2 3 ... 5 التالي

أضف تعليقك

مرحبـــا!

لكى تتمكن من تسجيل تعليقاتك لابد من تسجيل دخولك أولا
تسجيل دخول

أخر الاخبار

المزيد من الاخبار